HUMOR(piper)ESKA - nga Jorgo S. TELO

SKAFISTI I NATËS



Nga vetvetja marrke “frymë”,

a mos nga tjetër “burim”?

Sidoqoftë, o Kryetrim,

Ti..jetë njerëzish ke ushqim…



Veç... ty dheu s’do t të tretë.

E ke emrin Antijetë.

PERSEKUTORI



Rastësisht ju u përballët

në të ngushtin ashensor.

Ule syt’ e tkurre ballët

para tij, Persekutor!

I PERSEKUTUARI



“Mikun” e njohe… sa shpejt!

Shtrëngove grushtat , “buzëqeshe”.

Me buzëqeshjen tënde shigjetë

persekutorin krejt e zhveshe..

VOTËLYPËSIT



Si të majtë dhe të djathtë

Na përkëdhelin pa masë.

Sa për votë na përkëdhelin.

Pastaj na lënë “çengelin”,

Ku të varim shpresat tona.

Ç’do na shohin syt’ akoma?..

NEUTRALI



Si i tretë u ndodhe në ashensor.

Ngjaje sikur vëzhgoje me zor.

Byreçkat përtypje me nge.

Nga gazrat shtrëngoheshe…he-he…!

Shumë s’e durove trysninë.

Mikromjedisit i dhe tjetër “klimë”…

KOPRRACI (Natyrë e qetë)



Një derë e pahapur kurrfarë.

Një kafe që kurrë s’është pirë.

Në një kamare”euro” dhe “dollartë”.

Ai në mes – si një kec i shtirë.

DY TË “POSRADASHURUAR”



Ajo: “Ja, pra, gushën ta fala.

I dashur, ti ç’më dhuron?

Ai: “Yjet të jap si gjerdan,

Diellin – si medalion...

Ai (me vete): “Të më bëhet xhepi tamam,

As trupi yt nuk mjafon...

DY KUNATA



Sec u pleksën, seç u grinë

Nga brenda gjer jashtë portës.

Burrat mendjeaguridhë

Mbetën “lolo” – gaz i botës…

DY VËLLEZËR



Njëri-tjetrin shumë e “donin”.

U grindën për një hendek.

Njëri me fjalë qëlloi, Kurse tjetri me… dyfek

DY MILITANTË



Njëri blu dhe tjetri rozë

Dy-tre fjalë hodhën në shesh...

Krisi sherri tym e blozë,

Sa turinjtë bënë përshesh.

Për shoqi-shoqin mllefi – bozë.

Mot e jetë – vath në vesh.

GJËZA E PARË



Të madh oreks kanë për të,

Se nxit epshe, nxjerr para.

Kush e shpiku, s’gjallon më.

Nuk nxen mend kjo botë ala.



(d…a)

GJËZA E DYTË



Se si lindi dhe nga doli.

Diçka dihet, por s’mjafton.

Në rruzull belanë polli...

Jertë fil... Nmjerë, kush e “fton”…



(S..a)

JËZA E TRETË





Ka zënë tmerri tokësorët.

Gati të shkojnë në MARS.

Një virus s’përfill “sinorët”.

Ne në shqip i themi (S..s).

GJËZA E KATËRT



Sa i dashur- aq i tmerrshëm.

Nuk dallon të mirë, të ligj.

Pak të jesh i pakujdesshëm,

Të lë fllosh dhe… lakuriq.

(Zj….i)